鄧一君指被賊人撬爛的門鎖一臉茫然
鄧一君的住所，因外牆正進行維修工程，變成賊人爆格的踏腳棚架
鄧一君向本報記者指示賊人爬入屋爆竊的路徑
鄧一君指被賊人撬爛的門鎖一臉茫然
鄧一君的住所，因外牆正進行維修工程，變成賊人爆格的踏腳棚架
鄧一君向本報記者指示賊人爬入屋爆竊的路徑
被指龍年犯太歲的鄧一君，本來對相學之說不大相信，但近日其大角咀寓所，卻於五天內，被連環爆竊兩次，家中貴重物品都被賊人洗劫一空，估計損失約近十萬元。面對家徒四壁，一君感到極其無奈之餘，對治安不靖亦深感氣憤。
早前鄧一君已為寓所被洗劫，專程從廣西返港點算損失，但他因要開工，翌日便趕返廣西，未料事隔五日，家中再度被劫，昨日一君返港時面對家徒四壁顯得相當落寞。
一君語氣低沉地說：「上次（本月17日）爆竊，被人偷晒音響器材，我都未睇得清楚唔見左乜，諗住都唔會有下次架啦，所以咪走返大陸囉！點知21號又再被人爆竊多次，屋企幾乎籮得簕都俾人籮晒，包括剪片器材、錄影機、手提電腦、DV機、手表、珠寶首飾……總之除左大件既電視機、洗衣機外，全部值錢既都偷走晒，依家屋企乜都冇蕂啦！」鄧一君估計累積損失近十萬元，由於兩宗爆竊發生只距離五天，一君懷疑是同一班人所為：「我覺得係同一班人做囉，可能食髓知味啦，吼住屋企無人咪擒窗入黎囉！因為第一次爆竊，屋企門鎖俾人撬爛左，佢地由大門入，然後我間房擒窗走；第二次就直情効窗口爬入來，咁知地方，仲唔係同一班人做既？」
犯太歲運氣差
面對今次的損失，一君惟有自歎黑仔：「年頭已經有相士話我犯太歲，估唔到年尾真係咁杰，我都係黑仔架啦！」