熒幕前，一君總給人永遠長不大的感覺；熒幕背後，一君依然性格開朗，所唔同既係言談間話題都圍繞事業、家庭、戲劇，語調、態度冇忽似個細路！畢竟26歲已不算黃毛小子，只不過係我地印象中佢仍然停留晌香蕉少年階段。或者再望一望他選擇的座駕——400匹Skyline，他又怎會是溫柔的香蕉仔？
簡直係辣椒喇！
姓名：鄧一君
年齡：26歲
學歷：演藝學院戲劇與電視系畢業
入行：經model公司casting，第一套電影《記得香蕉成熟時》
忙緊乜：拍《西關大少》
現役愛駒：日產Skyline GT-T
Dream Car ： E46 BMW M3
我就係Skyline，好有力量！
乜話？鄧一君渣Skyline？重要係400匹大改！唔係掛？小記第一次聽到都有唔信，之前從未接觸過他，總覺得K-car較為襯他多一點吧！同一君傾開，原來佢從小就鍾意跑車，細路仔時最鍾意就係保時捷！到大個仔開始買車，都係偏愛跑車型，由初初渣家人Sierra、到操車 MR Lancer手波、改車玩Skyline GT-T，一架辣過一架！
「我揀車，其實著重外表多過性能！性能當然要有，但係都唔夠外表重要，因為性能唔夠我可以改裝搭夠，而外觀就算點改都唔會爭好遠！其實我本身鍾意GT-R多d，但係呢 d 2門大馬力跑車，買唔到保險！買呢架GT-T就係貪佢有GT-R影子，兼且呢架係大馬力4門車，斯斯文文接阿媽都得，得閒鍾意快下亦得，出席各種場合都好適合。唔好以為我成日做大細路角色就以為我一定鍾意K-car呀、Jeep呀咁，No way，我一 d 都唔鍾意！好多人都唔明我點解鍾意辣車，因為佢地認定鄧一君係乖乖仔，渣斯文車，其實我除左你地睇到既大細路之外，我都有我另外一面，辣車唔代表唔斯文，房車又唔一定係好人，唔好因我既外形而定我型！
「其實我渣Skyline，係想話俾人聽我並唔係一個細路仔，《記得香蕉成熟時》只不過係一部戲，香蕉仔只係一個角色，並唔係我鄧一君。由於部戲太深入民心，時至今日人都重當我係香蕉仔！我想話俾人知，依家鄧一君就係Skyline，好有力量，勇於接受挑戰。我會向住自己目標不顧一切向前衝，呢個先係真正既鄧一君，現階段Skyline好能代表我！」
牌要考2次，買車又俾人搵笨！
做藝人要接通告開工，時間日夜顛倒，冇番架車真係唔多掂，唔知一君幾時到車牌呢？
「我19歲已經考到車牌，好多人都可以一次pass，不過我就差少少，要考2次先得！第一次考牌，筆試全部OK。就係因為過程太順利，自己太有信心，以為實得啦，考個時又唔知自己冇回頭望車（shoulder check）就cut線，俾個官扣晒分都唔知，衰！第二次我就學精！我著晒西裝打晒呔，對住個官重斯斯文文勁有禮貌增加佢對我既印象分；考個時我就發揮我演戲細胞，回頭望車時動作重特登誇張，慌死佢睇唔到咁，點知佢又buy喎！就係咁俾我過到骨！」
牌就考完啦，唔知佢幾時買第一部車呢？
「我細個好恨車，14歲開始拍戲，17歲未有牌前已經以分期付款方式買部易手Ford Sierra自動波俾阿媽代步！不過買俾佢佢都唔渣，等到我考到牌咪自己渣番！講開呢架車真係，完全俾人搵笨，架車本身有問題，車行冇話俾我知，阿媽又唔多用，到我手一渣問題出晒！行行下車又水滾，連冷氣都壞埋，架車 時我重 ！整番呢樣，第二樣又開始！條死氣喉無端端又穿，俾人捉去驗車，上斜路踩踩下，波箱都霖埋！唉，總之就買車用10萬，整都整5、6萬，重係醫番都 藥費 隻！後來車 耐，買車前都係去相熟車房唧高架車清楚
400匹GT-T改裝餐單
HKS 快 cam
HKS GT 3037 大 Turbo
HKS 外置 Wastegate
HKS Power Flow 冬菇風隔
HKS 前置Intercooler 連 piping
HKS Evc 水喉掣
Sard 回油嘩佬
GT-R 油泵
Mine's 電腦
Nismo 表板
Nismo bar 表、水溫表、電表
Nismo LM 18" 合金軨
Carbon fiber 修飾
Greddy Turbo Timer
Panasonic DVD 連泊位倒車鏡頭
全車淨改裝費過$15萬
400匹怪獸全面睇
外形方面，一君架GT-T本身已配備Xenon超白光燈，再加4條限量Nismo LM18 吋夾軨，高置尾翼，外形夠晒照！佢改裝反而 重實際power同內籠設備多d。
原裝Skyline馬力已達280匹，一般私家車甚至歐洲跑車要埋身都唔係咁易，但馬力又邊個會嫌多，一君呢架車就棄用原裝turbo改用上HKS 3037大turbo 配外置Wastegate，配合埋HKS大Intercooler及冬菇風隔，大大提高入氣量。要達到400匹，淨係增大入風量係唔夠 ，用上GT-R油泵、Sard回油嘩佬增加電油供應，以Mine's賽車電腦重新調校空燃比，最大增壓值1.3 bar之時，能發出400匹馬力，一君話：「雖然我架係10幾萬日本車，但係就算公路上遇上百幾萬法拉利或保時捷，馬力上亦唔會輸蝕，一樣唔使借歪！」
至於內籠方面，由於係日常代步工具，出出入入都要對住個籠，一君特別花心機加裝大量碳纖維修飾，表板亦換上Nismo 300km/h，不過一君話未試過用盡個表板喎，信不信就由你！
影音器材方面，一君用上Panasonic大Mon 配備 DVD Box，連埋車尾箱訂造 巨型woofer，可以邊踩油邊炸機，真係free到震。而顯示屏亦另外駁上泊車鏡頭，一君話：「香港地方狹窄，之前成日揩花架車，有呢套cam，泊車就方便好多。」
講真，架車設備的確足夠，馬力又大，唯一要彈就係一君貪舒服沿用原裝避震，舒服就真係舒服，不過 彎就差 ，都係唔好劈得咁盡啦，如果唔係TCS防打滑系統加265mm闊尾胎都保你唔住呀！
改車靠睇書，打機學渣車！
改到架車咁堅，大家一定以為一君背後會有一個好勁師傅教佢改車同鍊車，但唔講唔知，原來佢係無師自通喎！
「其實由頭到尾都冇人教我玩車，係遊戲機教我渣車！我中學時期就已經日日去遊戲機中心玩賽車game！到依家我都間唔中去機鋪玩「頭文字D」 操車！平時我都會同古仔（古天樂）及家樂仔（吳家樂）傾下車經，佢兩個簡直係超級車迷，講車就停唔到嘴，不過佢地好少改車，我地改車知識，全部都係從書本雜誌學，加上我架舊車成日要整，汽車上知識係俾錢買教訓買番。依家架車成400匹，自己都可以操控到佢，但就發揮唔到極限，我係追求加速感覺同操控，並唔係一味要大馬力，再改勁，香港路都係用唔晒，無謂 錢啦！反而有機會我想買架新款E46 M3，架車有343匹，又係寶馬頂級車系，聲威力猛，不過車價成60幾萬太貴啦，反而再上一款E36 M3匹數差唔多，但係就只賣10幾萬，我都好想買。」
下一站… …M3？還是… …
好，既然一君咁鍾意M3，就幫佢搵架286匹，95年前款 E36 M3俾一君試番轉！
「未試之前，自己對呢架車期望太高，好多人都話佢好快，我自己以為佢會同架Skyline一樣咁有爆炸力；測試時呢架車其實都唔慢，但係同Skyline好唔同，M3係從低轉已經發力，好線性；而Skyline就係turbo車，特點係低轉較『立』，但一到發力區就突然爆 力出。可能我自己唔係咁習慣 NA車，加上呢架始終係95年車，我諗新款M3可能俾到我唔同感覺，不過話時話，呢架車 彎路性能就俾我架GT-T為高，始終歐洲車車架造工都零舍唔同，感覺紮實好多。」
一君惜日愛駒大檢閱 大牛龜92'Ford Sierra
引擎：1,998c.c. 直列4汽缸
驅動模式：前輪帶動，4速自動波
最大馬力：125PS/5,500rpm
最大扭力：18.0kgm/3,500rpm
92年新車價：$200,000
易手市價：$5,000
一君評語：呢架車係我未有車牌時買俾媽咪，後來我考到牌就自己。唉，架車問題多多，唔係壞冷氣就係壞波箱，感覺係買 時自己唔識車，俾人搵笨！
1600 快車97' Mitsubishi Lancer MR
引擎：1,600c.c. 直列4汽缸 DOHC 16V, MIVEC
驅動模式：5速手波，前輪帶動
最大馬力：175PS/7,500rpm
最大扭力：17.0kgm/7,000rpm
97年新車價：$179,800
易手市價：$30,000
一君評語：個款有型，手波性能好，當年係我用操車用，諗住操熟之後就換架大馬力車。我只係改生氣冬菇、火嘴線同埋尾喉，以NA 車黎講，性能已經好好！
Dream car 歐洲跑房王E46 M3
引擎：3245c.c. 直列6汽缸 DOHC 24, Double VANOS
驅動模式：6速手波，後輪驅動
最大馬力：343PS/7,900rpm
最大扭力：37.2kgm/4,900rpm
新車車價：$699,000
01年車易手市價：約$538,000
一君評語：呢架係我心目中dream car，歐洲車重係寶馬頂級型號，外形夠高貴，以自然吸氣有成3百幾匹馬力，夠晒快，而寶馬又出名車架紮實兼夠舒服，載人、飛馳兩者兼得！
