已有約五年沒有拍港產片的鄭則士（Ken），昨日為南燕監製的新片《騎呢特工》久休復出，飾演一名保安員。而身為後輩的鄧一君難得與前輩合作，更獲贈言指導做戲方法，令他如獲至寶。

鄧一君說：「我估唔到有前輩會留意我演繹，Ken哥話由《記得香蕉成熟時》到我做電視佢都有睇，佢話我做戲太沉，唔襯我外形，話觀眾想我陽光、Power，我雖然聽完表面冇乜，但我內心感動到想喊，因為我入行十幾年都冇人同我講過呢 d，我會聽Ken哥意見。」

而鄭則士則說：「鄧一君係個唔錯演員，佢可以走純品、健康路線，只要撞到佢角色，發揮會仲好。其實我都係將我睇法講俾佢知，等佢過濾！新人方面，佘詩曼都唔錯，角色掌握得好好，好有天分。其實我之前唔想拍電影，因為覺得好多香港電影都唔由劇本開始搞好，只以噱頭拍戲，質素下降，今次南燕同我講個故事同製作方法，我覺得好有誠意至拍，將來再拍我都會揀拍電視，因為前景好。」