" SWYNESHEDE, 3rd July 1401;
Sir Henry Percy to the Council:
‘ Tresreverentz piers en Dieux et mes treshonurez Srs.;
Jeo me recomanc a vous. Et vous please remembrer coment
Jay pursuez vers le Roi moun soverain Sr, et vous diverse
Foitz pur la payment qe mest duez pur la Marche Descoce, don’t
Je suy gardein, Sibien pur ceo questoit adverere a la darrien
Parlement, come davoir payement en avaunt sur Hull et
Bostone, solone le patent eut grauntes par le Roi moun soverayn
Sr. susdit a moun tresredoute Sr. et pier et may, par avis de
Vous, mes Srs. De soun graunt Conseille, don’t Jepoire qe vous
aves bone conisance. Et touchant le debt et may duez a moun
darrien partier de Londrez le Roi nostre soverayn Sr. susdit
chargea soun Tresorer qe lors estoit pur la dite matere, et
le dit tresorer may disoit qe sil fuist greable a vous autres,
mez Srs., du graunt Conseille,qil ordener [oit] qe Jeo seroie
paiez de ij ml. Marez en monoy entour cest Pentecost darrien,
et qe Jeo serroie servis par assignement de le remenaunt qe
moy fuist duez a plui tost qe faire purroit; pur quelle argent
et assignement avoir Jayfaitmez servauntz pursuer, sibien a
Londrez come a Hull et Bostone susdit, destre paies selonc
leffect de la dite graunt et patent sanz ascun denier resceyver
unques depuis moun partier dillesques, mez a moy graunt
costage, et travaille a mez servauntz, sanz nulle esploit. Et
come Jey entenduz a la darrien Parlement,quant la necessitee
da roialme fuist moustrez par vous, mez Srs. de graunt conseille,
as Barons et Comons de roialme, il estoit demandes, par
touts les marchez – Calets, Guyenne et Escoce, la meer, et
Irlande, come pur guerre et la Marche Descoce estoit limites
a xxxvij Ml. Livres, on pluis: et la ou le payment de temp de
trieves a moun dit Sr. et pier et may duez namonte qe a V ml.
livres par au, ne poet estra paiez, en bone foy Jeo may graunt
mervaille, et may semble qe vouz mettez les ditz marchez trop
a nounchaloir, queux serront trovez les pluis fortz enemys qe
vouz avez, on autrement qe vouz nagrees point de nostre service
en les ditz marchez… to be cont