لم ثعابينك
التاريخ من يومه ملكي أنا
جاي النهارده تقولي راح تكون انت أنا !؟
ده مش بس تاريخي قبل منك انقرا
ده التاريخ في عضمي جوه دمي
عايش لسه بعد كام ألف سنه
فدق الطبول، عالي صوت الاسود و قول انك مسحور
خلي الصخر يسلم
و عشانك يكلم
خليه يوعدك بما كان
عمرك ما هتكون صاحب الزمان
و لم حواليك كام ناس
من اي جنس ومن اي مطرح كان
سمي نفسك زعيم ووشوش في ودان التايهين
احكيلهم حواديت
ازاي طلعت ازاي مشيت
ازاي سمعت و ازاي رأيت
و ارسم رسمك العجيب
خريطه بالمصطره و مقايس
والعب عالعقول
و قول ده موعود
الابديه في الاصل، أنا
وان كنت نسي...ناسي تفكرك
و لم تعابينك
عصيانك السحريه
حواديتك ديه مش راح تنولك الهنا
ومهما العمر عدي
ومهما الغبار ما خبي
الايام بيننا
راح تعري المستخبي راح تحي الميتين
ده العالم الجديد لابس وشك
وش شحات قديم
و القبح عامم و الجمال اسير
و يا مين ينفخ يا مين يزيح
كوم ترابك من علي وش أصيل
يقراله السنين
و ازاي انك في الاصل
قليل الاصل
و شقلبت الموازين